شن البرتغالى فيريرا المدير الفنى للفريق هجوم شديد على اتحاد الكرة المصرى ومسئوليه بسبب ضغط وتلاحم المباريات المستمر وعدم وجود راحة بين المواسم.
فى الوقت الحالى فى برنامج لاراحة اللاعبين واعطائهم أجازه، لكن للاسف اتحاد الكرة وهو بيعمل جداوله مش بيعمل حساب الموضوع دا.
يوم 9 سبتمبر القادم عندنا مباراة السوبر المصرى السعودى، ودى مباراة مهمة لمصر كلها مش للزمالك بس، ومن بعدها مباريات فى افريقيا، وكمانعرفت ان فيه معسكر للمنتخب فى شهر سبتمبر.
مفيش وقت للراحة خاصة ان المنتخب هيلعب مباريات ودية يعنى ضغط زائد على اللاعبين، مش عارف امتى الوضع دا هيتغير، ودا هيبقى لصالح الكرة المصرية.
احنا فى نهاية موسم واللاعبين مرهقين، ومحدش بيقدر دا من مسئولى الكرة المصرية ولازم حل.
الفريق اليوم كان فى عناصر كثير مش أساسيه فى الفترة الاخيره، لكن فى النهاية عملنا مباراة متوازنه وفى العموم مكنش فيه فرص من الفريقين لكى يتم احراز اى اهداف.
شيء جيد أننا لم نخسر فى ظل غيابات الفريق، ومش لازم ننسى ان المباراة كانت بلا دوافع للفريقين، لكن الجميع خاض المباراة بكل جديه.
لازم اهنئ اللاعبين فى النهاية ولازم أهنى الجماهير ببطولة الدورى العام.
