انتقدت الاعلامية هناء حمزة لاعب الأهلى السابقة للكرة الطائرة ونائب رئيس اتحاد الكرة الطائرة، قيام قناة الأهلى بالهجوم على ابنتها مريم مصطفى لاعب الفريق الأول للكرة الطائرة فى الفريق الأحمر
وذلك بسبب الخلاف بين هناء حمزة ومجلس ادارة الأهلى بسبب انتقادها للعديد من القرارات والسياسات التي تخص ادارة النادى الأحمر.
كما انتقدت اختباء ادارة الأهلى خلف تصريحات الهارب علاء صادق الى شن هجوم كبير عليها، مؤكدا أن هذا الهجوم بتسليط من الإدارة.
وكتبت هناء حمزة عبر حسابها على موقع التواصل الاجتماعى فيس بوك قائلة:
لما قناة بحالها بكل مذيعينها تشتغل يوم بحاله عشان تهاجم فتاه صغيره عشان امها بتقول كلمة الحق اللى رجالة كتير مايقدروش يقولوها ونازلين هجص ورمى تهم بالذمه انتم اعلامين ولا ارزقيه كنتم فين من الظلم والذل اللى تعرضت له اللاعبة اللى بتهاجموها كنتوا فين لما فى عز تألقها وحصولها على احسن لاعبه فى مركزها لما رميتوها بره النادى اعاره لنادى الصيد والمدير الفنى قال مش محتاجها وللعلم يا من تدعون انكم اعلاميين انا اشتكيت بدل المره مرات للسيد الخطيب عن الظلم والذل والاهانه التى تتعرض لها لاعبه من نجوم مصر وللاسف اكتشفت انها اوامر الاداره كما قال المدير الفنى للمقربين.
وتابعت: المدير الفنى استخدم معها كل انواع الظلم والذل لدرجة انه ابلغ الكابتن رؤوف عبد القادر انه هيجمدها ورؤوف حى يرزق ولو كان عنده ضمير صعب انه يكذب ولو كذب يبقى حسبى الله ونعم الوكيل هو عنده اولاد انا عندى حاجات كتير قوى على اللى اتعمل فى بنتى على مسمع ومرأي من الاداره واستحملت ورجعتها تانى من الاعارة عشان الكيان اللى انتوا ماتعرفوش حاجه عنه انتوا بس بتدافعوا عن الفلوس والهبش اللى بتاخدوه انا
وواصلت: انا عايزه اقولكم بس انتوا بتتشطروا على عيله ومسخرين كل اعلامكم كان فين الاعلام ده لما الشيخ ترك مسح بكرامتكم الارض وقال عليكم اللى كل الدنيا سمعته ماشوفناش راجل فيكم طلع يدافع عن الكيان ولا طلع يكدبه ولا راجل فيكم رفع عليه قضيه ولا بلاغ ياترى السيستم اتغير من الصمت لغة العظماء الى سيستم اخر
واختتمت اختشوا عيب عليكم وصلت انكم تسلطوا الهاربين اعداء بلدنا عشان يشتمونى هو ده اسلوبكم المحترم يامن تدعون الاخلاق والوطنيه
