رد الاعلامي والناقد الرياضى شادى عيسى عن الاتهامات ضد إدارة الزمالك بسبب التفريط فى الحارس محمد صبحى حارس مرمى الفريق المعار الى فاركو
حيث أن الحارس معار الى فاركو بنية البيع النهائى فى حالة دفع 20 مليون جنيه الى نادى الزمالك مما يهدد بعدم عودة الحارس من جديد
شادى عيسى وعبر حسابه على موقع التواصل الاجتماعى فيس بوك رد قائلا:
الي صديقي العزيز اللي للاسف معرفوش .. بعد التحية والمحبة الواجبة ٠٠ أحب اذكرك أن نادي الزمالك ف صفقة إعارة محمد صبحي يحصل ع الآتي ف حالة تفعيل العقد من قبل فاركو ٢٠ مليون جنيه بجانب ٥.٥ مليون ف بداية الصفقة ومش بس كده فاركو استعار ٢ لاعيبة شباب مقابل ٤.٥ مليون يعني لو تم تفعيل العقد يكون الزمالك حصل من فاركو ٣٠ مليون جنيه ومش بس كده ده كمان الزمالك له ٢٠٪ف إعادة البيع ف مصر أو خارج مصر كمان صبحي بيحصل من فاركو ع ٧.٥ مليون جنيه
وتابع: إذن يا صديقي العزيز.. لو هناك فريق مصري عاوز يشتري محمد صبحي من فاركو يا تري هايدفع كام لفاركو .. الإجابة ع الأقل ٥٠ مليون جنيه ووقتها الزمالك هاياخد ١٠ مليون إضافة إلى ٣٠ مليون اللي حكيتها فوق .. يعني يكون الزمالك خد ف بيع محمد صبحي ٤٠ مليون جنيه