رد الإعلامي خالد الغندور المذيع بقناة النادى الرسميه، على حديث إسلام الشاطر المذيع بقناة النادى الاهلي، وعلى تصريحاته الاخيره عبر شاشة قناة الاهلى.
هذه التصريحات التى قال فيها أن الاهلى هو 70% من من قيمة الكرة المصرية وانه هو من يقوم برفع القيمة للدورى المصرى، وكلام كدا مالوش لازمة فى هذا السياق، فى تقليل واضح من الاندية المصرية كلها.
خالد الغندور وعبر قناة النادى قال : اللى قاله اسلام الشاطر دا شيء لايمكن تصديقه، النادى الاهلى نادى كبير واحنا بنحترمة، وتعاقب على مجالس اداراته رموز كبيره.
وواصل : اسلام الشاطر قال ان الاهلى هو الجرار اللى بيجر القطر، وهو أغلى حاجة والباقى ملوش لازمة، والعربيات من غير الجرار ملهاش لازمة، فيما معناه باقى الاندية من غير الاهلى ليس لها قيمة.
اسلام الشاطر لعب فى أندية كثير لها فضل عليه زى حرس الحدود والاسماعيلى،، والاسماعيلى تحديداً كان له فضل كبير عليه.
احنا هنا فى قناة الزمالك بنحترم كل الاندية، وبنحب كل الاندية وكل الاندية وجماهيرها بتحبنا لما بنروح أى محافظة، ودا بيدل على الحب.
ودا لاننا عمرنا ما قللنا من قيمة اى نادى، ومش شطاره ياشاطر ان اقلل من الاندية الاخرى وأتحدث عن فريقى بتمجيد.
وتبقى كلمة : تأثير فوز الزمالك ببطولة الدورى صعب.. صعب اوى لدرجة انه مخلى البعض مش عارف هو بيقول ايه.
