أكد احمد سيد زيزو لاعب الفريق الاول لكرة القدم بالنادى ان الظروف التى مر بها الفريق فى الموسم المنتهى صعبه ولا يمكن لاحد أن يتصور كم الضغوط التى كنا نعانى.
وفى حلقة مسجلة مع الاعلامى عمرو اديب على قناة mbc masr أكد زيزو انه فى المقام الاول مشجع لنادى الزمالك، وتتويج الزمالك بالبطولان لان اللاعبين رجال رغم الازمات.
زيزو اكد ان اللاعبين سيبذلون كل ما فى وسعهم وسيحاربون من أجل التتويج بالبطولة فى الموسم القادم لاسعاد الجمهور.
وعن فيريرا تحدث أحمد سيد زيزو قائلاً راجل بروفيسير فعلا بيعرف يشتغل على أدق التفاصيل فى الفريق، وكان بيعلمنا ازاى نباصى الكورا من الاول خالص، وعلمنا وقفة الجسم فى الملعب.
راجل مدرب بجد وشغله بيظهر فى الملعب، كان دايماً علمنا حاجات كتير منها التسليم والتسلم، وقالنا اول ما جه احنا بنستلم الكرة غلط.
كان مهم نفوز ببطولة الدورى للموسم الثانى على التوالى، شيكابالا كان معاك هنا بعد نهاية الموسم الماضى وقال لو الموضوع كورا بس هنكسب، ودا اللى حصل.
