رد احمد سيد زيزو لاعب الفريق الاول لكرة القدم بالنادى على حديث بعض من جمهور الاهلى واعلامى الاهلى والذى يشكك بأحقية الزمالك ببطولة الدورى.
حيث يتم الحديث وهو حديث وهما "معذورين ياعينى" بان الزمالك فاز ببطولة الدورى العام، لان الاهلى كان سيء هذا الموسم.
زيزو وعبر تصريحات تلفزيوينه له منذ قليل قال : لو بنفس المنطق يبقى الاهلى بيفوز بالبطولات لان الزمالك سيء، مش علشان هو كويس.
لما الاهلى بيفوز لانه بيكون الافضل فى فترة من الفترات، والزمالك فاز بالدورى موسمين وراء بعض لانه هو الافضل والاحق.
الحكاية اننا بقى عندنا ثقة فى نفسنا، واننا رغم اى شيء نقدر نعمل أى حاجة رغم ان بداية الموسم تقول ان الزمالك كان صعب يحقق شيء.
مش لازم نقلل من فوز الزمالك بالبطولة، خاصةً فى ظل الظروف دى، واللى كل الناس عارفاها.
وواصل : ملهاش علاقة انا كسبت كام بطولة وانت كسبت كام بطولة، ليها علاقة بتعب وجهد والجمهور ميعرفش مثلاً انا بقعد كام ساعة فى الجيم ولا بحرم نفسى من ايه علشان أول لمستوى معين كلاعب.
ورد زيزو على كلمة محروم والذى يرددها بعض جمهور الاهلى عن الزمالك بعد الفوز حيث قال : محروم محروم ياسيدى سيبنى أفرح براحتى.. سيبنى افرح بالنجاح بعد تعبى.