أكد مرتضى منصور رئيس النادى ان الفريق والنادى حققوا مكاسب عديده من مباراة الفريق اليوم امام الهلال على الرغم من الهزيمة فى اللقاء.
وفى تصريحات له قال منصور : تانى مرة نلعب فى قطر بعد مباراة السوبر الافريقى فى عام 2020، وبعدين كسبنا الاهلى، فى الامارات.
واحد بيقول انى خربت النادى، خربت النادى ازاى ولسه جايب 19 مليون جنية من شوية للنادى مكافأة السوبر المصرى السعودى.
بقول لحسين لبيب وممدوح عباس واللى خربوا النادى كفاية بقى خربتوا النادى، وكفاية قلة أدب قرفنا، وعقد زيزو 15 مليون جنية علشان الاخوه اللى بيصطادوا فى الميه العكره.
اللى ضيع الزمالك لسنوات كان ممدوح عباس دا كان هو اللى بيحط التشكيل، هو عامل مصيبه للنادى هيتم الاعلان عنها يوم الاثنين.
وكل دا واحنا ساكتين ومستحملين علشان نادى الزمالك ومصلحة نادى الزمالك.
وعن ملف الصفقات قال منصور : بطمن الجمهور، صفقات النادى اقوى صفقات في تاريخ النادي، احنا فى المراحل النهائية من الاتفاقات مع الاندية واللاعبين.
ان شاء الله سيتم الاعلان عن اسماء 8 صفقات جديده يوم الاثنين القادم، ولا أحد يتحدث مع فيريرا فى التشكيل، وهو لما بيغلط فى تشكيل لقاء بيطلع يقول انا غلط.
مفيش حد هيجبرنى أشغل حد فى القناة، وانا ممشتش احمد جمال علشان انتقدنى، لا ، دا لانه قال انه بيحترم اعداء بلدى.
