أكد مرتضى منصور رئيس النادى انه لابد من غلق قصة مباراة الهلال السعودى فى بطولة كأس السوبر السعودى والتى تلقى فيها الزمالك هزيمة وخسر اللقب.
وفى تصريحات تلفزيونيه له قال : مباراة وخلصت ومكناش هنهرب زى ما غيرنا ما عمل قبل كدا، ومش لازم ننسى اننا خارجين من موسم صعب وطويل جداً من ايام.
ببارك للشعب السعودى وببارك لنادى الهلال، كانوا افضل فى المباراة، وكانوا يستحقوا الفوز ومبروك للهلال وجماهيره ورئيسه.
بشكر جمهور الزمالك المحترم اللى كان فى الاستاد .. جمهور راقى وجميل ومعملش غلطة وبشكر الحكم القطرى مكنش عندة ولا غلطة، الا اعادة ركلة الجزاء اللى صدها محمد عواد.
كل الشكر لدولة قطر على حسن الاستقبال، الفريق تم استقباله بافضل صورة من اول عمال غرف الملابس لحد المدير الفنى فيريرا.
أحمد براده كلمنى منش هر تقريباً، وقالى حد عايز يكلمك بس محرج، وطلع سفير قطر اللى بشكرة انه انهى كل التأشيرات.
وتحدث منصور موجهاً حديثه الى رابطة الاندية المصرية واتحاد الكرة المصري لكرة القدم، بشأن مسألة حضور الجمهور المدرجات فى بالبطولات المحليه.
حيث اكد أن ما شاهدناه فى مباراة الزمالك والهلال درس للرابطة انها تدخل الجماهير بسعه كبيره فى المدرجات، وعندنا جماهير واعيه وفاهمة.
كنا بنلعب قدام 80 الف متفرج، ودى حاجة صعبة اللاعبين مش متعودين على كدا خاصةً انك بتلعب فى بلد تانيه.
