طلب حازم إمام نجم الزمالك الاسبق، بعقد صفقات جديده للفريق الاول لكرة القدم بالنادى خلال الفترة القادمة.
وأكد فى تصريحات تلفزيونيه له ان الزمالك فاز ببطولة الدورى فى الموسم المنقضى يعتبر اعجاز مش طبيعى، ولن يتكرر.
عناصر كتير كل شوية تتشال من الفريق، ومع ذلك الفريق كان بيكسب، لان اللاعبين كانت بتبذل أقصى طاقتها مع الادارة وطبعا الجهاز الفنى.
لازم تدعيم فى أقرب وقت، اللى عملة اللاعبين الموسم اللى فات كان شيء مميز، لكن مش هتقدر تستمر كدا لازم تدعيم.
الفريق ناقصة عدد من اللاعبين فى عدد من المراكز، الفريق محتاج مهاجم قوى، ولاعب ديفندر مميز، وباك رايت ووينجات، انت معندكش غير زيزو وشيكابالا.
الموسم طويل وفى افريقيا، ومحتاج مش اقل من 6 لاعبين علشان الفريق يقدر يكمل ولا نعتمد على اللى حصل فى الموسم اللى فات.