علق الإعلامي هاني حتحوت على ملف محمد صبحى حارس الفريق العائد من الاعارة من فاركو الى الزمالك منذ ساعات قليله، فى مفاجأه لجمهور الزمالك.
هانى حتحوت وعبر برنامجه التلفزيونى قال : أمير مرتضى كان كلمة السر في عوده اللاعب للزمالك، وكان اتفاق من فترة كبيره بينه وبين اللاعب على العوده.
امير كان على تواصل دائم باللاعب حتى بعد هجوم جمهور الزمالك عليه فى احدى المباريات، واللاعب هيمضى على عقد لمدة 4 سنوات.
محمد صبحى لم يوقع على أى عقود انتقال نهائى لفاركو، ولما طلبوا منه دا طلب تأجيل الامر لانه كان عايز يقيم الفترة اللى هيقضيها معاهم.
بالفعل محمد صبحى كان عنده عرض من الاهلى وكان متحمس لكن شعر ان هتبقى المنافسه قوية مع الشناوى وعلى لطفى ومصطفى شوبير، ومبقاش متحمس للاهلى.
فاركو كمان مكنش متحمس فى الفترة الاخيره لانتقاله للاهلى لانه حس انه مش هيكسب حاجة من وراء بيع اللاعب.
وأتم حتحوت : فاركو الان بيدرس الموقف ويستعد لتقديم شكوى رسميه ضد اللاعب ونادى الزمالك.
