وجه الإعلامي خالد الغندور رساله الى جمهور نادى الزمالك، بشأن ملف الصفقات للفريق الاول لكرة القدم بالنادى.
هذا الملف الذى يشغل بال جمهور الزمالك فى الفترة الاخيره، خاصة بعد وقف القيد النادى لفترتي قيد، بسبب وقف القيد كما تعلمون.
خالد الغندور وعبر تصريحات تلفزيونيه له قال : بتابع تعليقات الجمهور على ملف الصفقات، وياريت جمهور الزمالك يشوفوا اللى اتقال فى الشهور اللى فاتت عن الفريق.
هو ليه انت كجمهور مستعجل على الصفقات، هو حضرتك مستعجل على ايه، هيتعلن عن الصفقات سواء انهارده أو بكرا، هنعرف الصفقات.
استراتيجية الزمالك اتغيرت بعد الحجز على أرصدة النادى من قبل الاستاذ ممدوح عباس، وعايز أساله هو انت مش عارف ان دا وقت التعاقد مع صفقات، وعارفين انه عايز يبوظ الصفقات على النادى.
ببساطة كان ممكن يأجل الحجز دا شهر واحد، لحد ما نخلص من قصة الصفقات.. وفى نقطة تانية تانية الاهلى قال انه هيحط فلوس كهربا فى الحساب اللى محجوز عليه، ودا معناه اتفاق بين الطرفين.
وأتم : بالمناسبة رغم اختلافنا الكبير مع الاعلامى احمد شوبير، الا اننا بنقدم التعزيه في وفاة زوج شقيقته.
