اعتبر مرتضى منصور رئيس النادى أن من يهاجم أداء الفريق فى مباراتى اليكيت التشادى ليسوا بزملكاوية ولا يحبون النادى.
وفى تصريحات تلفزيونيه له قال منصور : الفريق والنادى بيمر بظروف صعبة، ومحجوز على حسابات النادى، وف ناس غير سعيده بالاداء.
هؤلاء ليس زملكاوية، ومش ممكن هنعمل كل حاجة أداء ومكسب وبطولات وأموال، دا مش فكر جمهور الزمالك.
جمهور الزمالك جمهور قنوع وعارف اللى احنا فيه، ومش بنشوف اللى بينتقدوا الاداء لانهم مش زملكاوية.
وواصل : محمود علاء دا من احسن المدافعين فى مصر، وأباما من أحسن اللاعبين، مش دول ياما فرحوا الجمهور الابيض.
بقول لجمهور الزمالك انت دورك تدعم اللاعبين ومتشتمش اللاعبين، لو عندك كلمة دعم قولها .. ولو معندكش أرجوك متقلش.
