وجه جمال عبد الحميد لاعب الزمالك الاسبق، وعضو مجلس إدارة النادي، انتقاد شديد الى البرتغالى فيريرا المدير الفنى للفريق.
هذا الانتقاد بسبب أداء الفريق الابيض فى مباراة فلامبو التى انتهت منذ قليل بفوز الابيض بهدف نظيف، هنا على الاراضى المصرية.
جمال عبد الحميد وعبر استوديو قناة الزمالك قال : الاداء اليوم مش مرضى ولا النتيجة، لو كنت بتلعب خارج أرضك وحققت هذا الفوز كنا هنشيد بيك، لكن انت هنا فى ملعبك.
الادارة جابت لك لاعيبه بالملايين وانت اللى طالبها ومختارها بنفسك، وكان لازم تفضل فى الملعب لشان يحصل حالة انسجام.
انما الناشئين اللى انت دفعت بيهم انت عارفهم كويس، وكان لازم تكسب اللقاء دا بسكور ودا عتبا لفيريرا.
الحمد لله على الفوز لكن الصفقات الجديده كان لازم تشارك فى المباراة، وتشارك أطول وقت ممكن لان دى لاعيبه بملايين.
الزناري مش جاى يقعد جنبك على الدكة، والمفروض يكون فى أفضل من كدا، المجلس مش مقصر معاك فى حاجة.
احنا كمجلس كنا عايزين الفرقه تكمل فى الاسكندرية كمعسكر صغير، حتى لقاء الجمعه لكن انت صممت ترجع القاهره.. وما حدث اليوم جرس انذار.
