أعلن محمد عادل فتحي، المشرف العام على فريق الكرة بالمقاولون العرب، عن تقدمه باقتراح الى الاتحاد المصرى لكرة القدم بتشفير مباريات الدورى العام المصرى.
وفى تصريحات تلفزيونيه له قال محمد عادل فتحى : طالبنا بتشفير الدورى العام المصرى بقيمة 50 جنية فى الموسم الواحد، وهو مبلغ سهل ان يدفعه أى مواطن.
اذا افترضنا انه سيشترك 50 مليون مواطن والاشتراك بــ 50 جنية، فسيتم تجميع مبلغ 2 مليار جنية ستساعد الاندية فى مصاريفها.
واذا وافق اتحاد الكرة عليه صرف جزء من هذا المبلغ بصورة سريعه وعاجلة، لتطوير أجهزة البث وطريقه التشفير واجهزة التشفير واجهزة الاستقبال الخاصة بهذا الامر.
وتبقى كلمة : أولا المنتج عندى هنا فى مصر مش بالجوده اللى تخليه مؤهل للتشفير والناس تروح تشترك فيه بفلوس.
ثانياً : انا عارف قصة الــ 50 جنية دى هتكون بداية ومن بعدها موسم وراء موسم، الاشتراك يعلى على المواطن وفى ظرف كام سنه الاشتراك هيبقى بمئات الجنيهات.
الــ art والجزيره وبى ان سبورت وosn كانت البداية كدا كان الشيخ صالح كامل الله يرحمه يقولك 30 جنية قيمة الاشتراك جنية فى اليوم.
موضوع مرفوض شكلاً وموضوعاً لمنتج أصلا غير جيد يفتقد مقومات النجاح .. الناس مش ناقصة.
