واصل الاعلامى سيف زاهر حديثه عن كواليس جلسه جمعت بين البرتغالى فيريرا المدير الفنى للفريق، وبين مرتضى منصور رئيس النادى.
سيف زاهر أكد أن الكيميا بين مرتضى منصور وفيريرا، عاليه أوى، ومرتضى منصور عرف أن البطولات ليها خلطة معينه وفيريرا معاه مكونات الخلطة دى.
فيريرا بشغله ومجلس الادارة وفر الجو المناسب، والخير جه للكل، ومرتضى منح الثقة لفيريرا خلال الفترة الماضية وفى الجلسة الاخيره.
أمير كان دايماً بيأكد له ان الثقة فيه موجوده، لكنه كان حابب يسمع الكلام دا من مرتضى منصور نفسه ودا اللى حصل فعلاً.
مرتضى منصور أكد لفيريرا انه عمل معجزة السنة اللى فاتت، وفيريرا قاله افريقيا هى حلمى مع الزمالك فى الفترة الجاية، وهنعمل كل شيء علشان نحقق الحلم دا.
منصور طلب من فيريرا التركيز فى الملعب بس، وملوش دعوة باى أزمات خاصة بالحجز على ارصدة النادى، وقالوا كل الفلوس موجوده ومفيش مشاكل.
