أكد أحمد حسام ميدو لاعب الزمالك الاسبق، ان مايحدث فى ملف عوائد بث المباريات على أندية الدوري العام أمر غير مقبول.
عند فكرة نسب التوزيع لازم نقف، مفيش دورى فى العالم كل نادى بيبيع بشكل منفرد، ومش عارف احنا ليه بنعمل كدا مع نفسنا.
لازم رابطة الاندية تعمل اتفاق خاص بشأن فكرة توزيع عوائد البث، على اندية الدورى الممتاز بنسب معينه، لكن كل واحد يروح يبيع لوحده دا مينفعش.
فى نقطة تانية كمان : معقول الاهلى يتعرض عليه فى 4 مواسم مبلغ 660 مليون جنيه من البث والزمالك 280 مليون بس، يعنى تقريباً 40% من اللى بيأخده الاهلى، هو دا عدل.
انا داعم لمرتضى منصور فى الملف دا علشان يجيب حق الزمالك، والزمالك مش نادى قليل، دا عنده جمهور ممكن يملى 10 استادات.
مش ممكن يكون دا عدل ربنا، ان الاهلى يأخد مرة ونص زيادة عن الزمالك، وانا فى ضهر مرتضى منصور علشان حق الزمالك.
نسبة مشاهدة مباريات القطبين، زى بعض وروحوا اسالوا المذيعين فى اون سبورت، لو حد قال كلام غير دا انا هسكت.
