تحدث الناقد الرياضى خالد طلعت عن المنافسة على بطولة الدورى العام هذا الموسم، والذى بدا منذ ايام.
الزمالك اليوم على موعد مع مباراة سيراميكا كليوباترا فى الاسبوع الثانى، والاهلى المنافس التقليدى على موعد مع مباراة أسوان.
وعبر صفحته الشخصية على موقع التواصل الاجتماعى فيس بوك كتب خالد طلعت قائلاً :
الزمالك عنده 4 ماتشات متتالية صعبة جدا في الدوري (سيراميكا وبيراميدز وإنبي والمصري) وفي وسطيهم ماتش السوبر مع الأهلي.
الناحية التانية الأهلي عنده 4 ماتشات أسهل بكتير أسوان والداخلية والاتحاد والجيش، وطبعا في وسطيهم ماتش السوبر برضه.
لو وصلنا بعد الجولة الخامسة في الدوري، والأهلي والزمالك زي بعض في النقاط أو الزمالك أكتر هيكون الزمالك بدأ بداية رائعة وعدى محطات صعبة جدا ، وممكن ساعتها يكون أقرب للتتويج بالدوري.
أما لو الزمالك فقد نقاط كتيرة في أول 5 جولات والأهلي خد 15 نقطة كاملة (وده اللي أنا بتوقعه) هيكون الأهلي أقرب للتتويج بالدوري ، والزمالك ممكن يبعد عن المنافسة بدري بدري.
طبعا ماتش السوبر في النص نتيجته هيكون ليها تأثير على نتايج الفريقين في الدوري من الناحية المعنوية تحديدا
