انتقد المستشار محمد عطية عضو اللجنه السابقه التى كانت تدير النادى رابطة الاندية المصرية التى تنظم مباريات الدورى بسبب مواعيد المباريات.
حيث مباريات القطبين تكون عادة اما فى الخامسه عصراً وبعدها السابعه مساءً، وعدد من المباريات الجماهيريه فى الثالثه عصراً.
وعبر صفحته الشخصية على موقع التواصل الاجتماعى تويتر كتب محمد عطية قائلاً :
يا جماعة الخير عايز تلعب (٣) و(٥) العب جمعة وسبت .. الاضاءة بتشتغل فى ماتش (٥) لكن الدنيا بتليل ٥:٤٥ اصلاً.
طيب على الاقل العب الماتشات اللى فرقها ملهاش جمهور او ماتشات عادية .. انبى الطلائع الحرس فاركو فيوتشر .. لكن ليه بيراميدز والمصرى الساعة (٣) وليه الزمالك او الاهلى (٥).
وتابع فى تويته أخرى قائلاً : لعب ماتشات الدورى الساعة (٣) والساعة (٥) فى أيام العمل ده عبث تنظيمى يليق بالمنظومة.
إنت بتلعب الماتشات دى فى التوقيت ده ومستنى مين يحضر من الجمهور .. طيب مين يتفرج .. الناس يا فى الشغل يا راجعة من الشغل.
وأتم : كتير من مشاكلنا هتتحل لما نعرف إن الكرة للجمهور وبتتفصل لإرضائهم.
