شن جمال عبد الحميد عضو مجلس ادارة النادى هجوم على معلق مباريات الدورى المصرى والذى قال أنهم يعلقون بطريقه تزيد من التعصب بين الجمهور المصرى.
واتهم جمال عبد الحميد معلقى مباريات الدورى بعدم الحياد فى تعليقهم على مباريات القطبين، وتعمد مجاملة لاعبى الاهلى وصفقاته الجديده تحديداً.
وعبر برنامج زملكاوى قال جمال عبد الحميد : المعلقين بيثيروا الفتن، بين جمهور الكرة فى مصر بتحيزهم لنادى على حساب الاخر والمفروض انك محايد.
تيجى على صفقات الزمالك يقولك لسه لم ينسجموا مع الفريق، ولم يندمجوا ولسه محتاجين وقت، وتيجى عند المنافس وتقول لاعيبته الجدد كان بيفاوضهم ريال مدريد.
زكريا الوردى مثلاً بيلعب برجولة وبأداء عالمى، والزنارى نفس الشيء، تلاقى المعلق يقولك لسه لم يندمج .. انت مالك.
ياريت محدش يقيم اللاعبين، انت بتعلق على المباراة، بتهد فى لاعبيتى ليه، والزمالك عنده حق يقول مش عايز المعلق الفلانى لانه بيهد فى لاعبى فريقى.
ياريت تفضل محايد وتخلى انتمائك على جنب، ومحدش يقولى المعلقين ليس لهم لهم انتماء.. لا ليهم وياريت يبعدوه عن التعليق.
