انتقد الاعلامى ابراهيم فايق تصرف محمود علاء لاعب الفريق الاول لكرة القدم بالننادى والمعار الى صفوف الاتحاد السكندرى بالامس.
وتعرض محمود علاء الى الطرد فى مباراة فريقه بالامس امام نادى الداخلية فى اللقاء الذى انتهى بفوز زعيم الثغر بهدفين، بعد اعتراضة القوى على حكم اللقاء.
ابراهيم فايق وعبر برنامجه التلفزيونى قال : مفيش في الكورة الاعتراض بالمنظر دا، خاصةً انك يا محمود لاعب دولى وخبراتك كبيره.
فى أشكال كتيره ممكن تعبر بيها عن اللى جواك، لكن انت فقدت أعصابك وخرجت بره تركيزك ودا مينفعش، انت عندك هدف عايز تحققه برحيلك للاتحاد السكندرى.
انت كدا بتعطل نفسك وبدون مبرر، وليه بتعمل كدا مع الحكم، انت عايز تعمل لنفسك انطلاقة جديده و عوده للزمالك وللمنتخب.
واتم : مش شايف اى سبب للى حصل، انت فريقك كسبان وفاضل دقايق والمباراة تخلص، لازم تخلى بالك بعد كدا من انفعالاتك.
