أشاد الثنائى الاعلامى الاهلاوى أحمد شوبير ومحمد بركات بتصرف محمود عبد الرازق شيكابالا لاعب الفريق الاول لكرة القدم بالنادى، عقب نهاية المباراة.
وعلى الرغم من الهزيمة ذهب اللاعب الى مؤمن زكريا لاعب القطبين الاسبق، وأتى به الى أرضية ملعب اللقاء، لحضور مراسم تسليم الميداليات عقب اللقاء.
البداية عند محمد بركات عبر برنامجه التلفزيونى حيث قال : شيكابالا كان غايب عن المراسم بعد المباراة، لانه ذهب ليكون متواجد مع مؤمن زكريا.
هذا ان دل يدل على الروح الرياضية التى يتعامل بها اللاعب على الرغم من هزيمة فريقة، ودى لقطات بتدى للكورة طعم حلو.
أحمد شوبير هو الاخر وعبر برنامجه التلفزيونى قال : فى لقطة عظيمة حصلت بعد اللقاء، وهى لقطة شيكابالا مع مؤمن زكريا، اللى على الرغم من ان فريقة خاسر، لكن عمل لقطة ولا أروع.
شيكابالا اللى هو ايقونه فى الزمالك، راح لمؤمن علشان نشوف اللقطة الحلوة دى، وبعدين راح مشى مع سيد عبد الحفيظ وسامى قمصان.
حصل تاتش بينه وبين حسين الشحات لكن دى نرفزة ملعب، وبقولكم لقطة شيكا مع مؤمن مش مقصودة.
