واصل الاعلامى سيف زاهر إشادته الكبيره بالبرتغالى فيريرا المدير الفنى للفريق، بعد هزيمة الفريق الابيض فى السوبر المصرى من الاهلى منذ ايام.
سيف زاهر وعبر برنامجه التلفزيونى قال : الجمهور بيسال .. هل خسارة الزمالك ممكن تؤثر عليه باقى الموسم، أقولكم كان زمان.. الفرق الكبيره زى الزمالك الامور مش بتاخد غير ساعات.
ودا اللى حصل .. لاعيبة الزمالك نزلت التمرين عاى وبتستعد لمباراة إنبى، ومفيش اى مشكلة والامور تسير فى الاتجاه الصحيح.
وواصل حديثه قائلاً : فيريرا عارف بيشغل المكنه إزاى .. وعارف ازاى تخلى اللاعيبه تفوق، وقالهم كدا احنا أبطال الدورى والكأس ولازم نفوق علشان نكمل، ولا نتأثر بهذه الهزيمة.
فيريرا مدرب محترف، فى فن حل الازمات .. وعنده قدره انه يعدى طل المطبات اللى هتقابله، خاصةً إن الزمالك عنده كل مقومات النجاح.
فى النهاية الفرق الكبيره لا تقف على لاعب، ولكن لو حدث تغيير مفاجئ زى مثلاً اصابة فتوح فى اللقاء الاخير، دا اللى بيخلى الامور فيها حالة إرباك بعض الشيء.
