علق جمال عبد الحميد لاعب الزمالك الاسبق وعضو مجلس ادارة النادى على تعادل الفريق اليوم مع انبى، وخسارة نقطين فى غاية الاهمية، لكنه النصيب فى النهاية.
جمال عبد الحميد وعبر تصريحات تلفزيونيه له قال : مش عارف اقول ايه الحقيقه، الزمالك مضيع 3 أو 4 فرص محققه، وكان ماسك الماتش، وانبى كان بيدافع.
المفروض بعد الهدف الاول، أحارب علشان الهدف الثانى، والثالث علشات أقتل المباراة، لكن انبى طمع فى اللقاء، وتفاجئت بتغييرات فيريرا، خاصة تغيير سيف الدين الجزيرى.
وأيضاً تغيير مصطفى شلبي زعلنى اوى لانه كان كويس، واتفاجئت بخروجه، وازاى مكنش عندنا هجمات فى الشوط الثانى، قدام انبى اللى كان بيدافع وبس، فى حاجة مش طبيعيه.
عايز اطمن جمهور الزمالك، احنا الموسم اللى فات خسرنا 5 ماتشات، واتعادلنا زيهم 5، وخدنا البطولة، وفترة التوقف اللى جاية دى مميزه وهتساعد الفريق.
حيث سيعود بعض المصابين، وسيحدث عملية انسجام بين اللاعبين فى الفريق.
ونفى ما يتردد عن ان فيريرا قلقان على مرتبة ومش مركز بسبب قضية الحجز علي ارصدة النادي : قائلاً مفيش الكرم دا.
بطالب الجمهور بدعم الفريق والوقوف خلفه، والفريق اتحسد بعد البطولات اللى أخدها، وشوف كم الاصابات اللى ضربت الفريق.
