انتقد أحمد عبد الحليم نجم الزمالك الأسبق، منتقدي البرتغالى فيريرا المدير الفنى للفريق، فى ظل تراجع نسبى لمستوى ونتائج الفريق منذ بداية الموسم.
أحمد عبد الحليم وعبر تصريحات تلفزيونية له قال : يا جماعه دايماً خسارة أى ديربى بيكون له تأثير بعدها، دى حاجة طبيعية، وبرضة مش لازم ننسى غيابات الفريق.
بزعل جداً لما بلاقى عدد من الجمهور على الفيس بوك بينتقد اللاعبين الجُدد ويحاول تقييمهم، وهما لسه لم يقدموا شيء، دا غلط.
عندك مثلاً محمد أشرف روق بقاله فى الزمالك 4 مواسم، وكان من أوائل الناس المرشحة للرحيل، ودلوقتى هو لاعب مهم جداً فى الفريق.
لسه الصفقات الجديدة هتنسجم وخاصةً ان الظروف لم تساعدهم، لانهم حضروا فى وقت اهتزاز فنى للفريق، وصعب جداً أقيم هؤلاء دلوقتى.
فيريرا واحنا بنحلل مباريات الموسم اللى فات كنا بنتعلم منه، وغلط أه غلط .. ايه المشكلة يعنى، هندبحه مثلاً، الحكم على اى مدرب بيبقى بالمدد الطويله، مش لقاء ولا اتنين.
وأتم تصريحاته فى هذه النقطة : عيب نتحدث فى الاعلام او حتى الجمهور ويقول فيريرا يمشى.. ورئيس النادى حسم الامر دا.
