شن رضا عبد العال لاعب القطبين الاسبق، هجوم على عدد من لاعبى المنتخب الوطنى، على الرغم من الفوز على بلجيكا بالامس.
هذه المباراة التى انتهت بفوز منتخب مصر بهدفين مقابل هدف، ضمن الاجنده الدوليه قبل كأس العالم الذى سينطلق غداً الاحد.
رضا عبد العال وعبر تصريحات تلفزيونيه له قال : انا عايز اعرف محمود حمادة عمل ايه فى المباراه، إحنا هنحك على بعض، في ايه زياده عن باقى لاعيبه الوسط الموجوده.
هو عمل ايه .. لازم لاعب الوسط يمسك كورا ويباصى بالعرض وللامام، وهو معملش كدا، وكنا نقدر نكسب 4 لو فيتوريا مخفش على اللقاء ونتيجته.
برضة لو كان نزل أحمد سيد زيزو وأفشه كان الوضع هيبقى افضل من كدا، واحنا كسبنا علشان مرموش ملعبش وكان مصاب، ولو كان لعب كنا قعدنا نلطم.
انا لو مسئول مكنتش أخلى أحمد حجازى يلعب فى المرحلة دى، وأسامة جلال احسن منه.
طارق حامد والننى كويسين انهارده، ومصطفى محمد حسنته الوحيده الهدف اللى جابه، واحنا كان شكلنا كويس علشان كنا بنلعب بدون ضغوط.
