علق عبد الحليم علي مهاجم نادى الزمالك الاسبق، على فوز الزمالك اليوم على النادى المصرى، ضمن منافسات دور الـ 8 من بطولة كأس مصر.
عبد الحليم على وعبر تصريحات تلفزيونيه له قال : كنا قلقانين فعلاً على الزمالك من المباراة دى،لان المصرى فرقة كبيره ومدعمه نفسها كويس فى فترة الانتقالات الاخيره.
الزمالك عنده ظروف كتير صعبه، من غيابات للاعبين، وغياب المدير الفنى للفريق، لكن الزمالك بمن حضر فى النهاية.
الادارة عارفه تفصل اللاعبين عن ازمات النادى، واللاعبين كانوا على قدر المسئوليه، والزمالك فى النهاية نادى كبير وقادر يتغلب على كل العقبات.
امير مرتضى عامل دور مميز مع الفريق، وقادر يقفل عليهم ويتعامل مع الظروف المحيطة، ومبروك لجمهور الزمالك الفوز.
فى النهاية الفوز هيعطى دفعه معنوية كبيره، للفريق، قبل ضغط المباريات الكبير اللى جاى فى بطولة الدورى.
