إنتقد حمادة عبد اللطيف نجم الزمالك، البرتغالى فيريرا المدير الفنى للفريق، بعد تعادل الزمالك اليوم امام النادى المصرى بنتيجة 2-2.
حيث إعتبر حمادة عبد اللطيف وعبر تصريحات تلفزيونيه له عبر قناة النادى أن الفريق به أخطاء فنية كثيره، وخلل فنى نتيجة ادارة البرتغالى فيريرا للقاء.
عبد اللطيف وعبر قناة النادى الرسميه قال : الفريق لا شكل ولا خطة ولا أداء، يبقى ازاى عايز تكسب، وتحقق نتائج.
فيريرا بيلعب فى الفريق وبيحط لاعبين مش فى أماكنهم، والدنيا اتظبطت شوية لما كل واحد لعب فى مكانه شوية.. مش معقول كل شوية أغير فى اماكن اللاعبين كدا اللاعبين هتفقد تركيزها.
التعادل عادل، والزمالك لم يقدم شيء يستحق عليه الفوز، وعندنا اخطاء كتيره على كافة الخطوط، وفى لاعبين كثير مش فى مستواهم زى حسام عبد المجيد والزناري.
ازاى انا فى بداية الموسم واخسر 4 نقاط، عندنا أخطاء لازم تتصحح ولازم أعالج السلبيات، فيريرا مدرب كبير لكن بقاله فتره الامور مش متظبطة، ولازم فيريرا يعيد حساباته.
الطريقة الانسب للزمالك هى 4-2-3-1، لكن احنا دلوقتى بنلعب من غير خطة، ولازم كل واحد يشارك فى مركزه.
