علق أحمد دويدار لاعب الزمالك الأسبق على البرتغالى فيريرا المدير الفنى للفريق، والذى يقدم الفريق تحت قيادته فى الفتره الاخيره مستوى سيء.
وكانت أخر نتائج الاداء السيء للفريق التعادل بالامس مع النادى المصرى ضمن منافسات الاسبوع الخامس من عمر مسابقة الدورى العام.
وعبر صفحته الشخصية على موقع التواصل الاجتماعى فيس بوك كتب أحمد دويدار قائلاً :
هديتوا خلاص .. انا عارف اني جدي فيريرا بيعمل حاجات غريبة جدا في الكورة ومش فاهم وجهة نظره وانتم عارفين انا اللي شايفه بقوله وانا راجل حر.
فيريرا الفترة دي حرفيا بيعمل كل حاجة تهدي الدوري للنادي الاهلي من بداية الموسم ..قولت فيريرا لازم يراجع نفسه الموضوع سهل وبسيط مش محتاج غرائب وطرائف في كل ماتش.
لكن انا بقول لعزيزي واخويا الزملكاوي ادعم فيريرا لنهاية عقده اكيد مدرب بالخبرات دي يقدر يتدارك الأخطاء خدها مني الزمالك بيمر بأزمة مالية طاحنة مقصره علي الفريق.
هوه كل ماتش بعض الصفحات الزملكاوية تتطلع ببيان انتقاد وتقطيع جمهور الزمالك اوعي وارقي من كدة احنا بنشوف في العالم كله مدربين اندية بتقعد بالسنين هنا في مصر بتحكم علي المدرب وعلي الاعب في كل ماتش شايف بداية موسم انهزامي من الجميع.
..اهدوا وان شاء الله نتعشم في ربنا اللي جاي افضل والأمور تكون أفضل داخل الفريق..لسه المشوار طويل.
