طالب مرتضى منصور رئيس النادى جمهور الزمالك بالوقوف خلف الفريق فى المرحلة القادمة الصعبة والمضغوطة.
وفى تصريحات تلفزيونيه له قال منصور : يا جمهور الزمالك استحمل زى مااحنا مستحملين، واحنا هنفضل داعمين لفيريرا، ويمكن الراجل مش مركز علشان عندة ظروف نفسيه بسبب حالة الوفاة اللى تخصه.
واكد منصور انه ليس ممنوع من الظهور كما يحاول البعض ان يُشيع، وأنه تحدث اليوم ليثبت انه ليس ممنوع، لكن مش معقول هطلع كل يوم اقول نفس الكلام.
وتابع : انا قرفان من كل حاجة، وأنتم كدا بتهدوا الزمالك مش مرتضى منصور، وانا لو اتكلمت هقلب مصر كلها، وانا زهقت.
مش ممكن كل يوم من المحكمة الاقتصادية لمحكمة العجوزه، علشان بلاغات وقضايا، كدا مش معقول.
وأكد ان الادوار القادمة من بطولة كأس مصر ستكون بجمهور، وانه مندهش من ان مباريات كأس مصر بدون جمهور، ولما سال قالوا له دا الموسم اللى فات، معتبراً ان اللاعب بدون جمهور زى الممثل اللى مفيش قدامه جمهور، مؤكداً ان الوضع سيتغير فى الادوار القادمة.
