تحدث جمال عبد الحميد عضو مجلس ادارة نادى الزمالك، عن أسباب تراجع نتائج الفريق فى الفتره الاخيره، والتى تسببت فى خسارة 4 نقاط للفريق فى مشوار الفريق ببطولة الدورى.
وفى تصريحات تلفزيونيه له بالامس قال : زى ماقال المستشار مرتضى بالامس، القادم أسوا انت محجوز على كل أرصدتك، ومش عارف تعمل حاجة.
عندك أكثر من 30 لعبة بتصرف عليهم، وعندك عمال وموظفين، كل دول عايزين فلوس، فدا طبيعى بينعكس على كل حاجة فى النادى.
الزمالك اصبح مستهدف، لانه خد 2 دورى و2 كأس فلازم يسقط، والنادى متكتف، ويتعمل قرعه بالمزاج للنادى المنافس فى بطولة كأس مصر، والزمالك يتحط له طريق صعب.
وفى الدورى السنة دى، شوف الزمالك بيقابل مين فى الاول، سموحه ومصرى وإنبى وبيراميدز، وشوف الاهلى بيقابل مين، الاسماعيلى اللى كان بينافس على الهبوط، والداخليه الصاعد حديثاً والجيش، مع كامل الاحترام للجميع.
التعادل مع المصرى مش بسبب اللاعبين ولا بسبب فيريرا، وإنما بسبب الحجز على أرصدة النادى، وكمية الشائعات اللى بتتقال على النادى.
ياأخى دا سامسون غاب كام يوم بسبب مشكلة فى ورقه، اتقال هرب، واشاعة امام عاشور انه راح الاهلى، كل دا ومش عايزنا نتعادل.
