وجه أحمد عبد الحليم نجم الزمالك الاسبق، رساله الى جمهور الزمالك، فى ظل التراجع النسبى للفريق فى الفتره الاخيره على مستوى الاداء أو النتائج.
حيث أكد ان هناك البعض على السوشيال ميديا يكتبون أشياء لهدم الفريق، وكلام لا يصح ان يقال، وفيها ايه يعنى نادى اتعادل ماتشين.
فى منتخبات كبيره فى المونديال خرجت من الدور الاول، وطبعاً عندك حق تزعل لو فيه تقصير، بس اللى حصل بسبب ان الفريق بيعانى من غيابات كتير.
شوفنا فى كأس العالم دا، غياب لاعب بيأثر على الفريق بأكمله، وغياب العدد دا كله عن الزمالك سبب هذا التراجع، وأبرزهم الونش.
كل فريق بيبقى له عمود فقرى بيعتمد عليه، لما العمود الفقرى دا بيغيب عنه عدد لازم الاداء يتراجع، والزمالك بطل ولازم يتعامل على كدا.
اى انتقاد لازم يكون من باب الخوف على الفريق مش من باب هدم الفريق، وفى النهاية احنا كجمهور مفيش فى إيدينا حاجة الا الدعم علشان الفريق ميقعش.
