جدد مرتضى منصور رئيس النادى حديثه عن فكرة تقسيط غرامة الهارب محمود كهربا لاعب الاهلى الحالى ولاعب الزمالك الاسبق.
كهربا الذى رحل عن صفوف الزمالك الى الدورى البرتغالى، ككوبرى للعوده الى النادى الاهلى، وتم الحكم ضده من قبل الاتحاد الغرامة بغرامة قدرها 2 مليون و450 الف دولار لصالح نادى الزمالك.
ومع رفض نادى الزمالك المستمر لفكرة تقسيط الغرامة، تحدث منصور عن موافقته على تقسيط هذه الغرامة بشرط واحد فقط.
الشرط هو ان يخرج اللاعب ويتحدث ويكشف عن من حرضة على الهروب من الزمالك الى البرتغال "وهو بالطبع معروف يعنى".
منصور وفى تصريحات تلفزيونيه له قال : كهربا زهق .. كل يوم يسمع وعود ومفيش حاجة بتتنفذ.. ومحدش هيدفع له جنية واحد حتى.
كهربا جاله كهربا فى دماغة من تصرفات مسئولى الاهلى، ومحدش واقف معاه، فـ أنا بقوله اطلع قول مين اللى حرضك وانا أوافق على تقسيط المبلغ.
انا لو مكانك هعمل كدا ووقتها هنستقبله احسن استقبال، ونوافق على تقسيط الغرامة.
