انتقد الاعلامى مهيب عبد الهادى زكريا الوردى لاعب الزمالك السابق، والذى تم فسخ تعاقده مع النادى أول أمس ورحل عن النادى بناءً على طلبه.
حيث تم الاعلان عن هذا الامر رسمياً من قبل مرتضى منصور رئيس النادى، فى فيديو ظهر فيه مع اللاعب والذى قال فيه أن اللاعب حالته النفسيه سيئه.
مهيب عبد الهادى وعبر برنامجه التلفزيونى قال : هو إحنا فى مدرسه يازكريا.. تعالى اتمرن لا مش جاى، انا متضايق، هو دا له علاقة بالاحتراف.
الكلام دا ملوش علاقه بالاحتراف، والزمالك بصراحة عمل اللى عليه فى الملف دا، واتكلمت معاه أكثر من مره.
واتصلوا بوالدته وحضرت للقاهره، لكن برضة مفيش فايده، هو قال مش قادر، ودا فى عالم الاحتراف مينفعش.
