علق المعلق الرياضى أحمد الطيب على لاعب الفريق الاول لكرة القدم بالنادى عمرو السيسى، وعلى ادائه فى مباراة الزمالك وبيراميدز المقامة حالياً.
هذا اللقاء الذى انتهى شوطة الاول بتقدم الزمالك بهدف نظيف، فى انتظار الشوط الثانى الذى سيبدا بعد قليل.
وعبر صفحته الشخصية على موقع التواصل الاجتماعى فيس بوك كتب أحمد الطيب قائلاً :
أتابع مباراة الزمالك و بيراميز.
عمرو السيسى عامل زى الشجرة اللى محتاجة تتهندم — بقصقصة بعد الأفرع القليلة وبعد كده هاتكون متعة للناظرين- عامل زىّ القلم ( الجاف ) بتاع زمان. إللى بيقطّع و يحتاج بس انك تنفخ فى الانبوبة بتاعته ويبقى زى الفل.
ومحتاج كمان ان إمام عاشور يحترمه ( كرويّاً ). أكترمن كده !!
اخر حاجة لازم عمرو السيسى يجتهد اكتر فى فتح زوايا تمرير آمنة. لزملائه ويفكّر يصوّب على المرمى ولو مرة واحدة كل شوط — وواحدة واحدة ها يكون طارق حامد لأن الشاسيه سليم والبقيّة كلها كماليّات.
معذرة ( انا حاسس إنى روحت الحرفيين ) مطلوب منه الاجتهاد. ومن الجميع الصبر.
