أوضح مرتضى منصور رئيس النادى حقيقة ما قيل عن جلوسه مع رجل الاعمال ياسين منصور بشأن تجديد عقود محلات سور النادي.
هذه الاخبار التى قيلت منذ ساعات وقيل أنها ستحل الازمة المالية لنادى الزمالك فى المرحلة القادمة، وهو ما اوضحه منصور بالتفصيل.
منصور وفى فيديو بثه منذ قليل على قناة النادى قال : اتقال إنى قعدت مع ياسين منصور، واتفق وأى كلام قلة ادب وخلاص.
اللى حصل ان ياسين منصور كان متعاقد مع ممدوح عباس من سنة 2006، كان واحد حوالى 8 محلات، بمبلغ صغير حوالى الف جنية فى السنه.
انا خدت حكم وطردتهم وجالى مبلغ محترم من بنك الاستثمار، هيحل الازمة الماليه الحاليه، ويكفى كل المرتبات ومستحقات كل فرق النادى.
مش ياسين منصور اللى حل الازمة زى ما اتقال، وكل الناس هتأخد فلوسها خاصةً مدربين الناشئين اللي لم يتقاضوا مرتباتهم من حوالى 3 شهور.
