انتقد الاعلامى خالد الغندور نجم الزمالك الاسبق، الاعلامى أحمد شوبير فى تصريحات له عبر قناة الزمالك منذ قليل.
هذا الانتقاد جاء بعد مباراة الأهلي وسيراميكا كليوباترا والتي انتهت منذ قليل بالتعادل الايجابى بهدف نظيف، وشهدت جدلاً تحكيمياً كالعاده.
الاهلى تم احتساب 4 ركلات جزاء لصالحه، ولا واحده صحيحه بنسبة 100%، وفى زاوية فى ركلة جزاء الاهلى اوضحت انها غير صحيحه.
من غير مااسمع هيطلع المحلل التحكيمى والاعلامى الكبير، هيقولوا ركلة جزاء الاهلى صحيحه، وكمان له ركلة تانية لم يتم احتسابها.
مش هقول مين، لكن الاعلامى الكبير فى مباراة الاهلى وفاركو قعد يعد الوقت الضائع لمباراة الاهلي وفاركو، وكل دا علشان يثبت ان هدف الاهلى سليم.
يااعلامى يا كبير الحكم انهى اللقاء وكان فيه انفراد على محمد الشناوي، والحكم أنهى الماتش فى الدقيقه95و26 ثانيه.
مع ان الهجمة كانت ممكن تخلص فى 20 ثانية، لكن الحكم أنهى اللقاء، وكان ممكن يكمل الدقيقة.
طب يااعلامى يا كبير لو الهجمة دى كانت للاهلى كان الحكم هيصفر، وايه رايك يااعلامى ياكبير، ان الضربة الركنية وهجمة الاهلى كانت فى الاساس بعد ما الوقت خلص.
