علق أحمد دويدار لاعب الزمالك الاسبق على هزيمة الزمالك اليوم منذ قليل من فريق أسوان ضمن منافسات بطولة الدورى العام.
هذه الهزيمة التى جاءت بهدفين مقابل هدف، ضمن منافسات الاسبوع الــ 11، وباداء هزيل وصعب الحقيقة من الزمالك.
وعبر صفحته الشخصية على موقع التواصل الاجتماعى فيس بوك كتب احمد دويدار قائلاً :
ماتش سئ لنادي الزمالك ماتش للنسيان قولت كتيير ونفسي اعرف ليه بداية كل ماتش يحصل فينا كدة ونصعب الماتش حاجة تحزن ؟؟
اسوان يستحق الفوز وعندهم مدير فني ايمن رمادي مدرب كويس جدا لكن ناخد حقنا ضربة جزاء واضحة وضوح الشمس يا عم امين طب روح شوفها احنا جايبين الفار ليه ؟
لازم نشوف حل في كل الركنيات اللي علينا دي ضربات جزاء ؟
خسارة في وقتها علشان اللاعبين تعرف الكورة بتدي للمجتهد مش بالاسامي ودرس قاسي للجهاز الفني واللاعبين
محتاجين مدافع ومهاجم ولاعب وسط مهاجم رقم 8 ضروري جدا
احمد بلحاج لاعب كبيير جدا اتمني يكون موجود في الزمالك
شكرا جمهور الزمالك العظيم بذلتم مجهود كبيير تستحقوا التحية لكن اللاعبين خذلتكم في ماتش اليوم ولازم يعوضوا الخسارة الفترة القادمة وتكون بداية انطلاقة فريق بطل يكون مركز ويجتهد ويتعب في كل الماتشات
الخسارة واردة والدوري لسه طويل لكن اعمل اللي عليك
