انتقد طارق يحيي نجم الزمالك الاسبق، البرتغالى فيريرا المدير الفنى للفريق، بعد هزيمة الامس من اسوان، مؤكداً ان الجميع حزين على خسارة 3 نقاط هامة فى مشوار المنافسه.
وأكد طارق يحيي أن هناك أسباب للهزيمة لا نريد أن نخوض بها الان، وفى النهاية لسه بدرى والكل هيخسر نقاط، لكن أداء الزمالك انهارده كان وحش.
والى فيريرا قال : عايز اعرف احنا ليه بنلعب فى الفرقه، ليه بعمل اللى مش طبيعى، وبعمل حاجات تزعل مش موجوده فى الكوره، وليه ألعب فى التيم.
ليه مثلاً ابدا بشيكابالا واحنا عارفين ان الراجل بينزل الشوط الثانى بيغير شكل الملعب، يبقى ليه أغير تميمه الحط بتاعته.
الشوط الاول مفيش زمالك خالص ومحدش يقولى متهاجمش فيريرا، لا الصورة كانت صعبه اوى، هو صوت الجماهير د موصلش للاعبين وتعبهم وسفرهم. دا كان المفروض يأكلوا النجيله.
احنا خسرنا ماتش ولسه المشوار طويل، لكن لازم فيريرا يصحصح شوية، وعايز اعرف انت بتتعامل كدا انت فارد نفسك ليه.
يعنى ايه أسامة نبيه يقوم يتكلم مع اللاعبين وهو المدرب العام، تقوله اقعد ملكش دعوة انت .. ليه كدا.
