علق رحاب أبو رجيلة عضو مجلس ادارة الزمالك السابق عن الحديث بشأن مصير فيريرا المدير الفني للفريق عقب الخسارة بالمس أمام أسوان.
حيث حرص رحاب أبو رجيلة على الحديث عن حكايات مماثلة لأجهزة فنية كبيرة قادت الفريق وحقق بطولات ونجحت في صناعة فريق وتم الاطاحة بها وتم إفساد التجربة لمجرد خسارة مباراة أو بطولة.
في اشارة الى تحذيره من أى مساس بالجهاز الفني الحالي للفريق أو الحديث عن رحيل فيريرا حتى لا يتم افساد التجربة او الحالة التى نجح فيها البرتغالي مع الزمالك.
رحاب أبورجيلة وعبر تصريحات له عبر حسابه على موقع التواصل الاجتماعي فيس بوك تحدث قائلا:
عايز احكى لكم حكايه قديمه يمكن نستفيد منها فى ظروفنا دى سنه ٨٤ الكابتن ابورجيله حصل على درع الدورى العام بعد غياب ٦ سنوات عن نادى الزمالك واكملها باول بطوله افريقيا فى ديسمبر ٨٤ تدخل دولاب نادى الزمالك وفى شهر يناير ٨٥اتغلب من الاهلى تم اقاله الكابتن ابورجيله اللى للاسف كان بادى تجربه جديده عامل فيها توليفه من لاعبين قدامى وصغيرين ومتوسطى السن مع جهاز فنى على اعلى مستوى فى وجود الكابتن احمد رفعت والكباتن فاروق السيد والجوهرى والدو ستيلا للاسف تم الاطاحه بالجهاز كله فى نهايه الموسم وباظت التجربه صحيح خدنا بطولات فى باقى العشريه لكن اعتقد ان لو كان التجربه كملت بكل عناصرها كنا هنشوف بطولات كتير فى الفتره دى ...نفس الكلام ده حصل للاسف فى ٢٠١٥ يمكن لاسباب مختلفه لكن دلوقتى لازم كلنا نتكاتف ونقف خلف فرقتنا والمدير الفنى بتاعها اللى من شهرين بس كنا مطلعينه السما مش ممكن ماتش فوق فى سابع سما وماتش تحت الارض مفيش رفاهيه لتغير اى مدرب فى الوقت ده ....لازم كلنا نقف خلف المدير الفنى وجهازه المصرى اللى ما يقلوش كفاءه عن اى حد وان شاء الله نفرح كلنا بالبطولات
