علق الكاتب الصحفي عماد دربالة على تعادل الفريق السلبي اليوم أمام الاتحاد السكندرى في الدوري وبالتحديد على مستوى اللاعبين الأجانب.
حيث اختص بالذكر مستوى الثنائي الهجومي للفريق سيف الجزيري وسامسون أكينيولا عقب الأداء المتواضع الذي ظهروا عليه مؤخرا
حيث تعادل الفريق سلبيا أمام الاتحاد في الجولة الثالثة عشر من الدوري على ملعب استاد برج العرب بالإسكندرية.
وكتب عماد دربالة عبر حسابه على موقع التواصل الاجتماعي فيس بوك قائلا:
بوطيب وحميد احداد والمثلوثى والجزيرى وسامسون والوردى وبن شرقى وساسي.كل المحترفين دول نجح منهم بس ساسي وشرقى والباقيين صفر.
وتابع: احنا ازاى بختار الاجانب وعلى اى اساس علمى؟.اخر 3 مباريات حصلنا على نقطتين واحرزنا هدفين وتاخرنا فى النتيجه 3 مرات وده طبيعى اما تلعب باتنين مهاجمين واحد فيهم كان احتياطى فى طنطا والتانى جبناه من فيديو وهم الاتنين اقل من حلم اللعب للزمالك.
وواصل: محتاجين مهاجم سفاح قوى بدنيا وطويل بيلعب براسه كويس ويشوط وعارف طريق المرمى.اللى عندنا دول انصاف لاعبين ولو الوضع استمر كدا مش هنشم افريقيا!ندعم فيريرا ونطالب الاداره بلاعبين على قد احلامنا وطموحنا.
واختتم: فيريرا ممكن يفوز ببطولة دورى بلاعبين مش جامدين اوى لكن افريقيا لها متطلبات تانيه.احنا كدا بنصعب الامور على نفسنا!!!
