اعلن مرتضى منصور رئيس النادى عن رحيل يوسف أوباما لاعب الفريق الاول لكرة القدم بالنادى الى الدورى السعودى.
منصور وفى فيديو بثه مع اللاعب منذ قليل على قناة النادى أعلن رحيله الى نادى الحزم السعودى بعقد اعارة لمدة 6 أشهر.
منصور قال فى تصريحاته : انت لاعب مميز، ولكن انت مش بتلعب لان الفريق لا يعتمد على طريقة فيها لاعب رقم 10، لكن فيريرا بيحبه.
يااوباما احنا محتاجينك، انت كذا مره تبقى عايز تمشى وانا اللى بقعدك، لكن دى رؤية جهاز فنى، وانا مش بتدخل فى الامور الفنية.
بقول لبعض الجماهير اللى بتهاجم أوباما، هو زهق منكم وهو لاعب كبير، وكفاية ان هدفه هو اللى جاب الكونفدراليه.
والى اللاعب قال : ان شاء الله تتألق وترجع للزمالك تانى اللى هو بيتك، وبقول للسفله اللى بيهاجموا اللاعيبه مش كل أسبوع همشى لاعب مرة زكريا الوردى ومرة محمود علاء ومرة أوباما.
اللاعب من جانبة قال : انا بشكرك ياريس، وبشكر كل الناس اللى بتدعمنى ومصلحة الزمالك هى الاهم.
