علق مرتضى منصور رئيس النادى على مستوى الفريق الاول لكرة القدم بالنادى خلال الفتره الاخيره، وعلى مباراة القمة القادمة بين القطبين يوم السبت.
منصور وعبر تصريحات تلفزيونيه له قال : هل اللى بيحصل دا طبيعى، الكره مش عايز تخش والعيال بتدخل على بعض.
هو دا عبد الغنى ولا دا الجزيرى ولا دا زيزو ولا دا امام عاشور.. ابعدو سحركم أيهم السحره المجرمين عن الزمالك يا شوية سحره.. وتعالى قابلنى راجل لراجل من غير عفاريت وتحكيم مساعد وجامايكا.
والى جمهور الزمالك قال منصور : فى عيال بتقبض علشان تهاجم المجموعه اللى شغاله فى قناة الزمالك وتهاجم فيريرا وتهاجم اللاعبين ومحسبوين على الزملكاوية.
رئيسكم مخدش ساعة من حد، ولا شنطة فى دولارات، ومحدش كاسر عينه، وانا حاسس بجمهور الزمالك وغضبة ومن حقة يغضب، لكن مش من حقة يسيب الفرقه فى وقت زى دا.
أقف ورا فريقك واحنا اتفقنا مع لاعبين علشان ينضموا للفريق فى الفتره دى، وبنخلص دلوقتى مع الاندية بتاعتهم، ونفسى اقابل الاهلى لاعب للاعب، مش لاعب قصاد 7 عفاريت وجامايكا.
