فى اول تعليق له على ما حدث فى مباراة الاهلى وسموحه، وتسببه فى هزيمة فريقه بثلاثية، من الاهلى بشكل واضح.
علق الهانى سليمان حارس مرمى نادى سموحه على الهجوم الذى تعرض له بعد هذه المباراة، حيث اكد أنه يشعر بحالة من الظلم تعرض لها.
وعبر صفحته الشخصية على موقع التواصل الاجتماعى فيس بوك كتب الهانى سليمان قائلاً :
أولا أنا أحب أشكر كل الناس المحترمة اللي قدمت الدعم لي الفترة اللي فاتت و الحمد لله والفضل لله أنا من بعد ماتش الأهلي متكلمتش.. ولا طلعت في أي قناة اتكلم فيها لأن ربنا وهب لي الناس المحترمة أنها ترد غيبتى.
الحمد لله أنا أبويا رباني على كل حاجة حلال في الدنيا.. وعرفني الحلال من الحرام.. أنا طول تاريخي ولعبي كورة.. كل المدربين اللي اتمرنت معاهم تجمعني بيهم أجمل وأحلى علاقه واحترام.. الحمد لله أنا بلعب في نادي محترم ونادي كبير ومجلس إدارة محترم.
في الآخر ممكن أي حد ينتقدني في الكورة.. وده أنا متقبله طبعا.. إنما تشكك في ضميري وفى أخلاقي وفي تربيتي وتطعن في ذمتي.. ده اللي أنا عمري ما هسكت عليه..
إحنا دولة كبيرة وبلد مؤسسات.. والقانون هو اللي بيحكم.. لذلك قررت إني أقدم بلاغ للنيابة في كل واحد تطاول على ذمتي علنا قدام الناس كلها.. سواء مدرب أو صحفي أو عضو.. واللي هيقرره القانون أنا معاه.. وشكرا.
