فى اول تعليق من على ماهر المدير الفنى لفريق فيوتشر بعد الهزيمة من الزمالك اليوم فى بطولة الدورى العام.
أكد على ماهر المدير الفنى لفيوتشر ان فريقه لم يكن موفقاً فى مباراة، وان اللاعبين لفتره كانوا خارج التركيز، وفى كل الاحوال الحمد لله.
الزمالك راح بكرتين جابهم هدفين، ومحمد عواد فى الاخر كان بيضيه وقت حتى تنتهى المباراة، والزمالك فريق كبير جداً وبطل الدورى.
لكن الشوط الثانى كلنا شوفنا ولا هجمة واحده لنادى الزمالك، ولا الحارس بتاعنا راحت عليه كورا.. لكن التوفيق كان غايب.
كنا دارسين الزمالك كويس، وقفلنا على مفاتيح لعبة، وعندنا مثال أحمد سيد زيزو لم يظهر بالمظهر المطلوب، مش علشان هو وحش، علشان احنا كنا قافلين عليه.
فى كل مباراة نلعب على المكسب، وبنعمل المطلوب مننا، والحمد لله عملنا اسم كويس لنادى بقاله سنتين، من لاعبين مكنش حد يعرفهم ودلوقتى بقوا نجوم.
كان عندنا ثقة زيادة انهارده بسبب نتائج الزمالك الاخيره، ورغم كدا عملنا أداء جيد، لكن النتيجة فى الاخر بتاعت ربنا.
