شن مرتضى منصور رئيس النادى هجوم على اتحاد الكرة المصرى، وتحديداً الثنائى جمال علام رئيس الاتحاد، وحازم امام عضو مجلس الادارة ونجم الزمالك الاسبق.
جاء هذا بعد بعد البيان الذى صدر من اتحاد الكرة المصرى وأعلن عدم التعامل مع منصور، واحالته للجنة الانضباط بالاتحاد المصرى.
منصور استنكر البيان قائلاً : تحولونى انا للجنة الانضباط، دا فى لاعب هارب، راح للجمهور بعد ماتش القمة، وشتم وعمل حركات مخله واتكلم بألفاظ بمنتهى السفاله.
انت بقى سايبه وجاى تعاقبنى انا، دا تهريج، وحازم امام ده كان عيل بيلعب، هو نسى ان انا اللى سفرته يحترف، انتى يالا اللى عايز تحاسبنى.
دا انت عيل توتو وعمرك ما هتكون رئيس للزمالك وانا موجود، وانا مش من عناصر اللعبه علشان تحاسبنى.
ردى على اتحاد الكرة وعلى بيان جمال علام، انى هرفع عليكم قضية فى المحكمة، واللى بيتقال دا تهريج.
