قارن الفنان الزملكاوى هشام اسماعيلى بين محمد عبد الشافى لاعب الفريق الاول لكرة القدم بالنادى، وبين بعض اللاعبين الاخرين.
اللاعبين الاخرين الذى وصفهم هو "بالعيال" ليؤكد أنه لا وجه للمقارنه بين عبد الشافى وبين هؤلاء.
وعبر صفحته الشخصية على موقع التواصل الاجتماعى فيس بوك كتب الفنان هشام اسماعيل مقارناً قائلاً :
مافيش شك ان عبد الشافى اخلاق رجولة اخلاص كفاح اصرار كل ده واضح جدا جدا.
لكن اللى بيعجبنى اوى انه بيلعب الكورة الطبيعية جدا سواء دفاع او هجوم اللى هو الفكرة الذكية او الجميلة او التقليدية اللى بتيجى على بالك و نفسك تشوفها تلاقيه بيعملها و بيطوع امكانياته عشان ينفذها.
انما العيال اللى طالعة دى والله بيقعدوا يفكروا فى افكار مريبة لا تمشى مع امكانياتهم و لا هى فكرة صح و حاجة اخر قرف و كرهونا فى رياضة كرة القدم اصلا.
الله يباركلك يا محمد يا عبد الشافى بتأكد لنا نظرية معروفة بننساها وهى " لا يصح الا الصحيح ".
