طالب أحمد سليمان عضو مجلس اداره النادى الاسبق، والمرشح السابق لانتخابات النادى وزارة الشباب والرياضى بالتدخل لانقاذ نادى الزمالك.
حيث طالب بضرورة عزل مجلس ادارة نادى الزمالك الحالى، لانهم فشلوا فى ادارة النادى فى الفتره الاخيره، والدليل ما يحدث لفريق الكره.
حيث أكد أن الوزارة لابد ان تتدخل لان هناك انقسامات كبيره، والزمالك كسب عداوات من الكل والكل بقى ضد النادى.
وقال بالنص : يا وزير الرياضة اعزل الناس دى شوية، وهات ناس مش طمعانه فى حاجة، تدير الامور، ومنعملش الانتخابات الا لما الامور تتظبط.
مصلحة الزمالك الاهم وانا عمرى ما كنت ضد حد فى الزمالك عكس الموجودين حالياً، نازلين تخوين وشتيمة فى كل الناس.
جمهور الزمالك حزين على اللى بيحصل، وحزين أنه يشوف الاهلى مثلاً فى كاس العالم للاندية والزمالك لا.
يا جماعه النادى المنافس بيفتتح كل شوية فروع جديده، واحنا أرض أكتوبر اتسحبت مننا وعيب اللى بيحصل دا.
