علق أحمد حسام ميدو لاعب الزمالك الاسبق على هزيمة الزمالك بالامس، من فريق فاركو بثلاثية مقابل لا شيء، ضمن منافسات الاسبوع الـ 17.
ميدو فى البداية وجه تحيته الى لاعبى فاركو على أدائهم فى المباراة، مؤكداً أن الزمالك هو من فرط فى اللقاء.
وواصل : اللى حصل بسبب التشتيت اللى فيه اللاعبين، وبسبب الاشياء اللى بتحصل بره الملعب، الفريق فى حاله من التشتت وعدم التركيز.
برضة فكرة وجود أسامة نبيه على الخط، مع وجود فيريرا أربك الحسابات وأربك اللاعبين، وطالما فيريرا موجود كان لازم هو اللى يقود الفريق.
عملت اتصالات وعرفت أن فيريرا عايز يفضل فى الزمالك، وان مسألة عودته مش بسبب الشرط الجزائى كما يتردد.
فيريرا كان لازم يقود بشخصيته القوية، اللى فاز بها بالبطولات مع الزمالك، ووجود فيريرا على الخط بدون القيام بعمله جعل الفريق فى حاله ارتباك شديد.
وعن شيكابالا لاعب الفريق قال : كان ضرورى يبقى موجود فى معسكر الفريق حتى لو مصاب، لان شيكابالا قائد والزمالك كان يحتاج قائد فى الفريق.
شيكابالا يقدر يلم اللاعبين حواليه .. بس مين انهارده قائد للفريق، وأعتقد ان الزمالك بأبنائه قادر على اعادة الفريق.
