انتقد الاعلامى سيف زاهر لاعبى الفريق الاول لكرة القدم بالنادى، بعد النتائج السلبية الاخيره للفريق الاول لكرة القدم بالنادى.
هذه النتائج الذى كان اخرها الهزيمة من فاركو بثلاثيه نظيفه ضمن منافسات الاسبوع الـ 17 من عمر مسابقة الدورى العام.
سيف زاهر قال : قعدت أفكر ايه سبب اللى بيحصل دا فى الزمالك، ملقتش سبب، هو هو نفس المجلس بتاع السنة اللى فاتت.
طب فيه فى النادى ازمة ماليه .. لا برضه .. طب هل بسبب أسامة نبيه وفيريرا .. ما هما هما بتوع السنه اللى فاتت اللى كسبوا البطولات، يبقى فى ايه.
أى حديث عن الحاجات دى تعتبر مسكنات، تعالى نسأل ونشوف جوا الملعب فيه إيه .. اسه مشكلة اللاعبين دى.. دى لاعيبه بتاخد ملايين.
المفروض انت بتأخد ملايين علشان تجيب بطولات، وتفرح الجمهور والاسامى اللى فى الملعب دى مش ممكن تكون دى نتائجها.
فى حاجة غلط ولازم اللاعبين يقفوا مع نفسهم وقفه ومش عايزين ندور على شماعات لان الزمالك دا فريق كبير.
جمهور الزمالك لازم متطولش فى حزنك .. الزمالك فريق كبير يمرض ولا يموت.
