علق مرتضى منصور رئيس النادى على الازمات والصعوبات لتى يواجهها نادى الزمالك وفريق الكرة فى الفترة الاخيره.
هذه الازمات التى كانت أخر نتائجها الهزيمة من فاركو بثلاثية نظيفه، ضمن سلسلة النتائج السيئة للفريق فى الفترة الاخيره ومنذ بداية الموسم للامانه.
منصور وفى الفيديو الذى بثه منذ ساعات قال : احنا بنشتغل فى ظروف صعبة جداً، ما بين حجز على أرصدة النادى، ومعوقات بيتم وضعها لنا علشان نفشل لكن احنا مكملين.
اللى بيحصل من بعض العيال بقولهم انتم مش زملكاوية، هو انا ولا امير اللى بننزل نلعب .. احنا مش بنتدخل فى التشكيل، والامور الفنية فى إيد المدير الفنى.
كل الاندية سجلت صفقاتها وشاركت الا الزمالك، اللى بيمر بظروف مش طبيعيه واشاعات من كل حته عماله تضرب الفريق والنادى.
عندك مثلاً محمد مصيلحى راح باع مروان عطية للاهلى، اللى هو زود على السعر، وللاسف محمد عطية باعه للاهلى على الرغم من انه كان فيه اتفاق على ان اللاعب ينتقل للزمالك.
إحنا محجوز على فلوسنا ومش احنا السبب .. ولا أزمة القيد إحنا السبب فيها.
